Jólakötturinn í Salnum í Kópavogi
JÓLAKÖTTURINN & DULARFULLA KISTAN er frábær jólasýning fyrir alla fjölskylduna!
Jólakötturinn rambar óvænt inn í Salinn í Kópavogi og þvert á þjóðtrú reynist hann vera hið besta skinn, þó hann sé óttalegur prakkari. Fljótlega kemur í ljós að hann er ekki þar af eigin vilja. Hann hefur verið sendur af sjálfri Grýlu í óvænt og krefjandi ferðalag til að bjarga jólunum í Grýluhelli, þar sem jólagleðin er horfin og jólunum hefur verið aflýst.
Verkefnið virðist vonlaust, en með hjálp barnanna í salnum leggur Jólakötturinn af stað í ævintýri fullt af töfrum og prakkarastrikum.
En tekst þeim að bjarga jólunum?
Leikarar í verkinu eru tveir, ásamt nokkrum rauðklæddum gestum. Í sýningunni er frumsamin tónlist, brúðuleikur og litrík töfrabrögð sem gleðja bæði börn og fullorðna.
Sýningin verður helgina 28. - 29. nóvember 2026.
Jólakötturinn í leikskólum
Hvernig væri að fá jólaköttinn í leikskólann þinn?
Sýningin er afar meðfærileg og hefur verið aðlöguð að yngstu aldurshópum. Þannig hentar hún vel sem jólasýning í leikskólanum eða sem jólaskemmtun hjá fyrirtækjum.
Lengd leikverksins er 25 mínútur.
Hægt er að bóka sýningu hér á síðunni eða með tölvupósti á jol@kotturinn.is
Um Inga Hrafn Hilmarsson
Ingi Hrafn er leikari með áralanga reynslu af því að búa til barna- og skemmtiefni.
Hann hefur leikið í fjölmörgum barnasýningum fyrir leik- og grunnskóla og er stofnandi leikhópsins Vinir. Ásamt því hefur hann leikstýrt, samið leikverk og skrifað barnabækur.
Barnamennig hefur ætíð verið honum hugleikin og hann hefur mikinn metnað fyrir því að miðla fallegum verkum með góðum boðskap til barna og ungmenna.